SORGINEN OROIMENAREN BILA

«Beldurra, irekitzen ikasi behar dugun ate bat baino ez da…»

Motibazioa eta Aktibazioa

Helburua

Beldurra modu seguru eta anonimoan izendatzea, emozio hori denok senti dezakegula ulertzea, aurre-ezagutzak aktibatzea eta ikaskuntza-giro errespetuzkoa sortzea.

SAIOAREN AURKIBIDEA
SORGINAK SAIOAREN FASEAK
  1. Motibazioa eta Aktibazioa (oraingoa)
  2. Garapena / Ulermena
  3. Sormena / Ebaluazioa

Prest zaude Zugarramurdiko misterioa argitzeko? Sorginak zerbait kontatu nahi dizu!

Irakaslearentzako Argibideak — 1. Fasea: Motibazioa eta Aktibazioa

10-15 minutuko fase honetan, beldurraren emozioa modu seguru eta anonimoan izendatzeko lehen urratsak emango dira, sorginen kondairarekiko motibazioa piztuz eta ikasleen aurre-ezagutzak aktibatuz.

Gida didaktiko honetan fasearen egitura eta plangintza pedagogikoa aztertzen dira. Halere, ikasleekin gelan zuzenean lan egiteko, webguneko Ikasleen Txokoa atalera jotzea da bidea. Bertan dago txertatuta ikaskuntza-sekuentzia osoa, saioz saio lantzeko baliabide, bideo, audio eta jarduera interaktibo guztiekin batera.

Ikasleen Txokoan zehar urratsez urrats jarraituko den bidea:

Joan Ikasleen Txokora eta hasi saioa →

1. JARDUERA: Gure Beldurren Kutxa

Irakasleak kutxa misteriotsu bat aurkezten du gelan:

«Gelan kutxa bat dago, itxita. Zirrikitu txiki batetik zerbait sartu beharko duzue… baina lehenago, azter ditzagun gure beldurrak!»

Zer egin behar duzu: paper txiki batean, izenik jarri gabe, idatzi edo marraztu ezazu beldur bat. Ez diozu inori esan behar zer idatzi duzun.
Helburua: beldurra izendatzea modu seguru eta anonimoan, geroago denon artean partekatzeko lehen urratsa emanez.
IRAKASLEARENTZAKO OHARRA — Kutxa prestatzeko: Prestatu kutxa bat, paper-zati txikiak eta arkatzak. Ikasleek izenik gabe idatzi edo marraztuko dute; inork ez du bere ekarpena identifikatu edo ahoz partekatu beharko. Anonimotasuna eta errespetuzko giroa bermatu.

2. JARDUERA: Galdera gidatuak / Hipotesiak

Eztabaidatu taldean eta sortu zuen hipotesiak Sorginen inguruan.

ZER IKASIKO DUGU GAUR?
  • Gure beldurrak aztertu eta «Beldurren Kutxan» modu seguruan sartu
  • Gure talde-akordioak sortu eta sinatu (Urrezko araua)
  • Ikaskuntza Egunerokoa «beldundik ausardiara» pasatzea zer den adierazi
  • Gure ideiak taldean partekatuko ditugu
Gure erronka: Sorginaren amuletoak berreskuratzea eta Sorgin Insignia lortzea!

Ikasleek talde txikietan eztabaidatzen dute:

  • Zer sentitzen dugu iluntasunean edo zerbait berria egiteko orduan?
  • Zergatik uste duzu sorginek ere beldurra izan dezaketela?
  • Zer egin dezakegu guk beldurra sentitzen dugunean?

«Niri beldurra ematen dit… (iluntasunean egoteak / bakarrik sentitzeak)»

GURE HIZKUNTZA LAGUNTZAILEAK

(Erabili esaldi hauek zure erantzuna emateko):

Hipotesia formulatzeko:
  • «Nik beldurra sentitzen dut…»
  • «Niri beldurra ematen dit..»
Arrazoia azaltzeko (Zergatik?):
  • «…agun bati eskua ematen diodanean hobeto nago.»
  • «…lagun bati eskua ematen diodanean hobeto nago.»

IRAKASLEAK ERANTZUNAK JASOTZEN DITU MURALEAN (DAKIGUNA / JAKIN NAHI DUGUNA)

3. JARDUERA: Batzarre Handia

Denok gure beldurra sartu dugu kutxan. Orain kutxa irekiko dugu elkarrekin:

«Ikusiko duzue zerbait garrantzitsua: beldur guztiak nahastu egin dira, eta ez dakigu zein den norena. Horrek esan nahi du gauza bat: denok dugu noizbait beldurra, eta hori ez da inondik ere gaizki.»

Pentsamendu-errutina: «Lehen uste nuen… orain jakin nahi dut…» Erabili errutina hau beldurrari buruz hitz egiteko, betiere inoren bizipen pertsonalak azaltzera behartu gabe.
Hizkuntz andamiazea
  • «Beldurra sentitzen dut… (gauean / iluntasunean / bakarrik nagoenean)»
  • «Niri laguntzen dit… (lagun bati eskua emateak / arnasa sakon hartzeak)»
IRAKASLEARENTZAKO OHARRA — Batzarra gidatzeko: Irakurri ozenki ekarpen batzuk, ausaz eta izenik gabe. Ez behartu inor bere papera identifikatzera. Gidatu elkarrizketa epaiketarik gabe eta azpimarratu beldurra ohiko emozioa dela.

4. JARDUERA: Harri-semaforoa — Hasierako erregistroa

Ikasle bakoitzak bere abiapuntua adieraziko du: nola sentitzen den eta zenbat dakien sorginen kondairei nahiz beldurraren emozioari buruz.

Harri berdea
«Lasai sentitzen naiz eta gaia ezagutzeko prest nago.»
Harri horia
«Pixka bat urduri nago, baina jakin-mina daukat.»
Harri gorria
«Ez naiz seguru sentitzen eta laguntza beharko dut.»
Hizkuntz andamiazea
  • «Beldurra ematen dit… delako»
  • «Gaur nire harria… da, zeren…»
Amaiera: Hausnarketa Kolektiboa

Zirkulu batean eserita, nahi duten ikasleek zer ikasi edo sentitu duten partekatzen dute. Ez da inor bere beldur pertsonala azaltzera behartuko.

Sorginen Oroimenaren Bila – Curriculum Dimentsioak

Hasierako fase honetan ahozko elkarrekintza, beldurraren identifikazioa, errespetuzko entzutea eta autoebaluazioa lantzen dira.

Arloa / Eremua Konpetentzia (kodea) Oinarrizko jakintzak Jarduerak eta ebidentziak
Euskara eta Literatura KE1 / KE3 Ahozko testu narratiboak ulertzea; ahozko elkarrekintzan parte hartzea. Gure Beldurren Kutxa + Batzarre Handia. Ebidentzia: parte-hartze ahozkoa eta errespetuzko entzutea.
Balio Zibiko eta Etikoak / Gizarte Zientziak KSD3 Beldurraren kudeaketa; sinesmen herrikoiekiko errespetua. Batzarre Handia + Harri-semaforoa. Ebidentzia: hasierako autoebaluazioa.
Tutoretza / KPSII (zeharkakoa) KPSII Autoezagutza; emozioen identifikazioa; aurretiazko ezagutza-mailaren kontzientzia hartzea. Harri-semaforoa. Ebidentzia: aukeratutako kolorea eta, nahi izanez gero, azalpen laburra.

Metakognizioa (Motibazioa eta Aktibazioa)

Atal honek ikasleen abiapuntu emozionala eta aurre-ezagutzak jasotzen ditu, giro seguru eta errespetuzko batean.

Jarduera Helburua Nola garatzen da?
1. Gure Beldurren KutxaAktibazio emozionala Beldurra modu seguru eta anonimoan izendatzea. Ikasleek beldur bat idatzi edo marraztu, izenik gabe, eta kutxan sartzen dute.
2. Batzarre HandiaElkarrizketa segurua Beldurra ohiko emozioa dela ulertzea eta besteen ekarpenak errespetatzea. Ekarpen anonimo batzuk irakurri eta taldean hitz egiten da, epaiketarik gabe.
3. Harri-semaforoaHasierako puntua Ikasle bakoitzaren segurtasun-maila eta aurre-ezagutzak identifikatzea. Ikasle bakoitzak harria aukeratzen du: berdea, horia edo gorria.

Harri-semaforoa

Harri berdea
«Sorginak eta Zugarramurdiko kondaira asko ezagutzen ditut, prest nago laguntzeko.»

Harri horia
«Zerbait badakit, baina gauza asko ez ditut ulertzen oraindik.»

Harri gorria
«Ez dut ezer ezagutzen, laguntza asko beharko dut gaur.»
Hizkuntz andamiazea
  • «Gaur bidaia… (urduri / gogoz / beldurrez) hasten dut».
  • «Nire harria… (berdea / horia / gorria) da, zeren…»
  • «Nik uste dut sorgina… (laguntza behar duen norbait / gaizto bat) dela».
Zergatik da garrantzitsua? Azalpena
Autoerregulazioa Ikasleak bere indarguneak eta zailtasunak identifikatzen ditu hasieratik.
IDU 3.0 «Harri-semaforoak» eta hizkuntz andamiajeek aukera ematen diete ikasle guztiei parte hartzeko, bakoitzak behar duen laguntza-mailarekin.
EIMA Idoneitatea Ebaluazioa prozesu osoan zeharreko behaketa, gogoeta eta jarraipen gisa ulertzen da, ez soilik amaierako nota bezala.

Isuriren Kondairak – Sustraiak Bizirik
Euskal mitologiaren eta kulturaren bidezko hezkuntza-proiektua.
Naturarekiko lotura, irudimena eta jasangarritasuna sustatzen ditu.